માહિતી વિશે  

મુહમ્મદ ઇબ્ને હારિસ અલ-નૌફલી, જે ઇમામ મુહમ્મદ અલ-તકી (અ.) ના ખાદિમ હતા, તે રિવાયત કરે છે કે જ્યારે અબ્બાસી શાસક અલ-મામૂને તેની પુત્રીના  લગ્ન ઇમામ મુહમ્મદ ઇબ્ને અલી (અ.) સાથે કરવાનું નક્કી કર્યું, ત્યારે ઇમામ (અ.) એ તેમને નીચેનો સંદેશ લખ્યો: 

“દરેક પત્નીને તેના પતિની સંપત્તિમાંથી મહેર આપવી જોઈએ. અમારા વિશે તો, સર્વશક્તિમાન અલ્લાહે અમારી સંપત્તિને મોકૂફ રાખીને આ દુનિયા પછી અમને આપવાની છે, જે રીતે તેણે તમારી સંપત્તિ આ દુનિયાના જીવનમાં અગાઉથી આપી દીધી છે. આથી, હું તમારી પુત્રીની મહેર ‘દુઆઓની કબૂલિયતના સાધન’ તરીકે નક્કી કરું છું.” 

“એક ગુપ્ત દુઆઓનો સમૂહ, જે મારા પિતાએ મને આપ્યો છે અને કહ્યું કે તેમને તેમના પિતા મૂસા (અ.) પાસેથી પ્રાપ્ત થયા છે, જેમણે કહ્યું કે તેમને તેમના પિતા જાફર (અ.) પાસેથી પ્રાપ્ત થયા છે, જેમણે કહ્યું કે તેમને તેમના પિતા મુહમ્મદ (અ.) પાસેથી પ્રાપ્ત થયા છે, જેમણે કહ્યું કે તેમને તેમના પિતા અલી (અ.) પાસેથી પ્રાપ્ત થયા છે, જેમણે કહ્યું કે તેમને તેમના પિતા હુસૈન (અ.) પાસેથી પ્રાપ્ત થયા છે, જેમણે કહ્યું કે તેમને તેમના ભાઈ હસન (અ.) પાસેથી પ્રાપ્ત થયા છે, જેમણે કહ્યું કે તેમને તેમના પિતા અલી ઇબ્ને અબી તાલિબ (અ.) પાસેથી પ્રાપ્ત થયા છે, જેમણે કહ્યું કે તેમને પાક પયગંબર મુહમ્મદ (સ.) પાસેથી પ્રાપ્ત થયા છે, જેમણે કહ્યું કે તેમને ફરિશ્તા જિબ્રઇલ (અ.) પાસેથી પ્રાપ્ત થયા છે, જેમણે કહ્યું: ‘હે મુહમ્મદ (સ.), સર્વશક્તિમાન અલ્લાહ  તમને તેના સલામ આપે છે અને કહે છે કે તે તમારા માટે આ દુનિયા અને આગામી દુનિયાના ખજાનાની ચાવીઓ લાવી રહ્યા છે.'” 

“આમ, તે તમને સલાહ આપે છે કે તમે તેને તમારી દુઆઓની કબૂલિયતના સાધન તરીકે વાપરો. આ ગુપ્ત દુઆઓ દ્વારા, તમે તમારી ઇચ્છાઓ પ્રાપ્ત કરી શકો છો અને તમારી વિનંતીઓમાં સફળતા મેળવી શકો છો. તેથી, તેમને દુનિયાની વિનંતીઓ કરતાં દુનિયા પછી ની વિનંતીઓ માટે વાપરો; નહીંતર, તમે તમારા દુનિયા પછીના ઇનામો નં મૂલ્ય ઓછું કરશો.” 

“આ સાધનો દસ દુઆઓ છે, જેના દ્વારા તમે તમારી ઇચ્છાઓના દરવાજા પર ટકોરો મારી શકો છો અને તે તમારા સામે ખુલી જશે, અને તમે વસ્તુઓ માંગી શકો છો, અને તે તમને પ્રાપ્ત થશે.”