તજવીદના નિયમો કલર સંકેત સાથે 

ઇખફ :

નુન સાકીન(نْ) અથવા તનવીન(ــًــٍــٌ) પછી આ 15 અક્ષરોમાંથી કોઈ એક આવે: ت, ث, ج, د, ذ, ز, س, ش, ص, ض, ط, ظ, ف, ق, ك તો તેનો ઉચ્ચાર બે હરકતના સમયગાળા(૨ થી ૩ સેકંડ) માટે નાકમાંથી હળવા અવાજ(ગુન્ના) સાથે કરવામા આવશે.

ઇખફ મીમ સાકીન :

જયારે મીમ સાકીન (مْ) પછી બ (ب) અક્ષર આવે ત્યારે તેનો ઉચ્ચાર નાક માંથી હળવા અવાજ(ગુન્ના) સાથે કરવામાં આવશે.

કલકલા :

કલ્કલાના 5 અક્ષરો: ق, ط, ب, ج, د જ્યારે આ અક્ષરો પર સુકૂન હોય અથવા વાક્યના અંતે આ અક્ષર પર થોભવું પડે ત્યારે તેનો ઉચ્ચાર પ્રતિધ્વનિ અથવા ઝટકા સાથે કરવામાં આવશે.

ઇકલબ (કલ્બ) :

જ્યારે નૂન-એ-સાકિન (نْ) અથવા તનવીન(ــًــٍــٌ) પછી બ (ب) આવે ત્યારે તેને નૂન/તનવીનને નાનામીમ (م) માં બદલી ગુન્ના સાથે ઉચ્ચારવામા આવશે.

ગુન્ના :

نّ અને مّ બંને નાક માંથી ઉચારવામાં આવશે.

ઈદગામ :

નૂન-એ-સાકિન (نْ) અથવા તનવીન (ــًــٍــٌ) પછી આ અક્ષરો આવે: ي, ن, م, و ત્યારે તેનો ઉચ્ચાર નૂન/તનવીન અગાળના અક્ષરમાં મિલાઈ જશે અને ગુન્ના સાથે ઉચ્ચારાશે.

ઇદગામે મીમ સાકીન :

જ્યારે મીમ સાકિન (مْ) પછી બીજો મીમ (م)આવે ત્યારે બંને મીમ મળીને ગુન્ના સાથે ઉચ્ચારાશે.

મહત્વની નોંધ:

જ્યારે مّ અક્ષર નૂન-એ-સાકીન نْઅથવા તનવીન(ــًــٍــٌ) સાથે આવે ઉદા: اُنَاسٍ مَّشَرَبَهُمْ , ત્યારે ગુન્ના અને ઇદગામ બંને નિયમો લાગુ પડે છે, પરંતુ ઉચ્ચારની રીત સમાન (ગુન્ના સાથે) જ રહે છે.